“Azərbaycan xalqı kimi atanız da Sizinlə fəxr edərdi”

  05 Mart 2021    Oxunub : 2142
   “Azərbaycan xalqı kimi atanız da Sizinlə fəxr edərdi”
Xəbər verdiyimiz kimi, ötən gün İqtisadi Əməkdaşlıq Təşkilatının XIV onlayn Zirvə toplantısı keçirilib.
Azvision.az xəbər verir ki, toplantıda Azərbaycan Prezidenti İlham Əliyevlə yanaşı, digər dövlət başçıları da çıxış ediblər.

Əfqanıstan Prezidenti Məhəmməd Əşrəf Qani çıxışında Prezident İlham Əliyevi qələbə münasibətilə təbrik edib:

“Mən tarixi nailiyyət münasibətilə qardaşım Prezident Əliyevi təbrik etməkdən məmnunluq hissi duyuram. Azərbaycan xalqı kimi atanız da Sizinlə fəxr edərdi”.

İqtisadi Əməkdaşlıq Təşkilatının üzv ölkələrin baxışlarının həyata keçirilməsi üçün mühüm platforma olduğunu deyən Məhəmməd Əşrəf Qani pandemiyanın mənfi təzahürlərinin minimuma endirilməsi üçün regional əməkdaşlığın böyük əhəmiyyət kəsb etdiyini vurğulayıb.

Azvision.az

Teqlər: ƏşrəfQani