Erməni nazirin 1 milyardlıq maxinasiyası

  06 Mart 2021    Oxunub : 2101
Erməni nazirin 1 milyardlıq maxinasiyası
Ermənistanda monopoliya və büdcədən pul silməyin yeni variantı ifşa olunub.
Azvision.az xəbər verir ki, erməni jurnalistlərin apardığı araşdırma zamanı Nikol Paşinyanın keçmiş nazirlərindən birinin öz həyat yoldaşı ilə xüsusi iş birliyi qurduğu müəyyən edilib.

"Arsen Torosyan səhiyyə naziri olduğu dövrdə həyat yoldaşı Vardanuş Tjanyan tərəfindən idarə olunan "MIBS" MMC ilə 2 milyon dollar - 1 milyard dram dəyərində müqavilə imzalayıb. Büdcənin talan edilməsi bu cür baş verir...", - deyə erməni mətbuatı yazıb.

Erməni nazirin həyat yoldaşının hesabına köçürdüyü 2 milyon dollar dövlət vəsaitini mənimsədiyi deyilir.

Xatırladaq ki, bu ilin yanvar ayında istefa verən səhiyyə naziri Arsen Torosyan hazırda hökumət aparatının rəhbəri vəzifəsində çalışır.

Tural Tağıyev
Azvision.az

Teqlər: Paşinyan   Torosyan   Müqavilə