5 milyard pulu olan deputat helikopter qəzasında ölüb - YENİLƏNİB

  08 Mart 2021    Oxunub : 4421
 5 milyard pulu olan deputat helikopter qəzasında ölüb -  YENİLƏNİB
Fransalı siyasətçi və milyarder Olivier Dassault helikopter qəzasında həlak olub.

Azvision.az xarici KİV-ə istinadla xəbər verir ki, helikopter Fransanın şimal-qərbində, Normandiyanın Tuk kommunası ərazisinə qəzaya uğrayıb. Hadisə nəticəsində pilot da ölüb.
Fransa prezidenti Emmanuel Makron “Twitter”də başsağlığı verib.

"Olivier Dassault Fransanı sevirdi. Böyük bir iş adamı, deputat, Hava Qüvvələrinin ehtiyatda olan zabiti: ömrü boyu ölkəmizə xidmət edib. Onun ölümü böyük itkidir", - Makron bildirib.



Dassault 69 yaşında idi. O, məşhur fransız təyyarə istehsalçıları ailəsinin üzvü olub, 2018-ci ilin may ayında atası “Dassault Qrupu”nun rəhbəri Serja Dassault vəfat edib.

Mərhum deputatın sərvətinin 5 milyard avro olduğu təxmin edilir.

Azvision.az

Teqlər: Fransa   Deputat