Paşinyan istefaya gedir?

  09 Mart 2021    Oxunub : 2186
 Paşinyan istefaya gedir?
“Nikol Paşinyan hərbi dairələr də daxil olmaqla ayrı-ayrı görüşlərdə 9 və ya 10 mart tarixində istefaya gedəcəyini vəd edib. Bundan sonra erkən seçkilər keçiriləcək"

Azvision.az xəbər verir ki, bu barədə “Past” nəşri yazıb.
Qəzetin məlumatına görə, baş nazir Nikol Paşinyan 9 martda Baş Qərargah rəisi Onik Qasparyanın vəzifəsindən kənarlaşdırılması barədə qərarın qüvvəyə minməsi və artıq ordudan hər hansı bir təhlükə görmədiyinə əmin olduqda istefa verəcək. May ayında isə erkən seçkilər keçirəcək.

"Lakin nə generallar, nə də siyasi və ekspert dairələri, yumşaq desək, Paşinyana inanmırlar. Digər tərəfdən, erkən seçkilər olduğu təqdirdə bu hakimiyyətin inzibati resurslardan istifadə edərək, onun nəticələrini saxtalaşdırılacağı ilə bağlı fikirlər mövcuddur”, - deyə nəşr əlavə edib.

Pərvanə Sultanova
Azvision.az

Teqlər: Paşinyan   Ermənistan