Spiker: “Ukrayna xəzinəsində pul yoxdur”

  24 Fevral 2014    Oxunub : 354
Spiker: “Ukrayna xəzinəsində pul yoxdur”
Ukraynada prezident səlahiyyətlərini icra edən Aleksandr Turçinov Radanın iclasında belə deyib.
AzVision.az rus KİV-lərinə istinadən xəbər verir ki, bu gün Ukrayna Ali Radasının iclasında Aleksandr Turçinov ölkə iqtisadiyyatının vəziyyətini kritik dəyərləndirib.

Ölkə xəzinəsində pulun olmadığını vurğulayan Turçinov təcili tədbirlərin həyata keçirilməsini önəmli bilib.
Bundan öncə, Rusiya Maliyyə naziri Anton Siluanov ölkəsinin Ukraynaya məxsus avrobondları almaq üçün bir az gözləyəcəyini bildirmişdi. Onun fikrincə, ilk növbədə Ukraynada yeni hökumət və iqtisadi siyasət formalaşmalıdır.

“Biz doğurdan da ötən həftə avrobondların satın alınması barədə danışıqlar aparmışdıq. Lakin son vaxtlar situasiya kəskin dəyişdiyi üçün biz bilməliyik ki, hansı hökumətlə əməkdaşlıq edək. Biz ötən il Ukrayna avrobondlarına 3 milyard dollar vəsait yatırmışıq. Bundan başqa, öncədən əldə olunmuş razılıq əsasında Ukraynaya qaz tədarükünü də vaxtında həyata keçiririk”.

Vüqar İsmayılov

Teqlər: