Paşinyan müxalifət liderilə istefasını müzakirə edəcək

Paşinyan müxalifət liderilə istefasını müzakirə edəcək
  17 Mart 2021    Oxunub:3067
Bu gün Ermənistanın baş nazir Nikol Paşinyanla “Çiçəklənən Ermənistan” partiyasının lideri Qaqik Tsarukyan arasında görüş keçiriləcək.
Azvision.az xəbər verir ki, bu barədə "Hraparak" qəzeti yazıb.

Nəşrin məlumatına görə, müzakirələrin əsas gündəmini baş nazirin istefası və erkən parlament seçkiləri üçün tarixin təyin edilməsi təşkil edir.

Paşinyan Konstitusiya ilə bağlı söz verdi
Qeyd olunub ki, Paşinyan hazırda müxalifəti payızda seçki keçirməyə razı salmağa çalışır. Məsələ burasındadır ki, əgər hakimiyyət Seçki Məcəlləsinə dəyişiklik etmək qərarına gəlsə, erkən seçkilər islahatlardan yalnız altı ay sonra keçirilə bilər.

"Hraparak" bildirir ki, "sorosçular" aktiv şəkildə mövcud Seçki Məcəlləsinə qarşı çıxır. Lakin həm Tsarukyan, həm də müxalif qüvvələrin digər hissəsi müəyyən mənada hazırkı kodeksin saxlanılmasının tərəfdarıdır.

Paşinyanın mətbuat katibi Mane Qevorkyan görüş barədə məlumatı hələlik təsdiqləməyib. O bildirib ki, tarix müəyyən edilən kimi məlumat veriləcək.

Pərvanə Sultanova
Azvision.az


Teqlər: Ermənistan   Paşinyan  



Xəbər lenti


Azvision.az ©2014 | Bütün hüquqları qorunur