Ermənistanda vəkillər Sarkisyana cinayət işinin açılmasını tələb edir
Buna səbəb prezident Armen Sarkisyan tərəfindən ikili vətəndaşlıq faktının gizlədilməsidir.
Məlumatda vurğulanıb ki, Armen Sarkisyan 2003-2012-ci illərdə 10 ilə yaxın Britaniya vətəndaşlığına sahib olub. 2018-ci ildə Ermənistan qanunlarını pozaraq prezident seçilib. Konstitusiyaya görə, son altı ildə yalnız Ermənistan vətəndaşı olan şəxs prezident seçilə bilər.
Hüquqşünaslar Palatasının rəhbəri bildirib ki, Sarkisyanın Britaniya vətəndaşlığı yalnız 2012-ci ilin noyabrında qüvvədən düşüb, Sarkisyan isə 2 mart 2018-ci ildə seçilib. Konstitusiyaya əsasən, Britaniya pasportu 1 mart 2012-dən gec olmayaraq ləğv edilməli idi. Bu əsasda vəkillər cinayət işi başlamaq üçün nəzarət orqanına müraciət ediblər. Müraciəti 53 vəkil imzalayıb.
Pərvanə Sultanova
Azvision.az
Teqlər: ArmenSarkisyan