Azvision.az xəbər verir ki, uruquvaylı mütəxəssislər belə qənaətə gəliblər. Çünki COVID-19 pandemiyası onsuz da özünə qapanmış autizm xəstələrini təcrid olunmuş vəziyyətdə saxlamaqla yeni bir problem yaradıb. Mütəxəssislər bildirirlər ki, hazırkı reallıq onlara əksər insanlardan daha çox təsir edir, lakin az adam buna əhəmiyyət verir.

Uruquvay autizm federasiyasının yaradıcısı, psixoloq Mariena Qavraniç autizmli övladı olan valideynlərin də pandemiyadan ikiqat əziyyət çəkdiyini bəyan edib:

"Artıq anlamaq lazımdır ki, valideynlər də özlərini çox tənha hiss edirlər. Ailələri təcrid olunur, onlar isə əksinə, inteqrasiya edilməli olan bir nömrəli insanlar sayılırlar. Pandemiya şərtləri çərçivəsində yaşam keyfiyyətini artıracaq dəstək sistemi yaratmalıyıq".

2008-ci ildən bəri hər il 2 aprel tarixində Dünya Autizm Məlumatlandırma Günü kimi qeyd olunur. Bu gün BMT Baş Məclisinin 18 dekabr 2007-ci il tarixində autizmli uşaq sayının çoxluğundan narahatlığını ifadə edən qərarı ilə təsis edilib.

Tural Tağıyev
Azvision.az