Tonoyandan “İsgəndər” açıqlaması

  03 Aprel 2021    Oxunub : 1776
 Tonoyandan “İsgəndər” açıqlaması
Ermənistanın sabiq müdafiə naziri David Tonoyan ikinci Qarabağ müharibəsi zamanı “İsgəndər” raketlərindən istifadə edilib-edilməməsi ilə bağlı danışıb.
Azvision.az xəbər verir ki, Tonoyan “İsgəndər”dən istifadə olunmasını təkzib etməyib. Lakin dövlət sirrini açıqlamaq niyyətində olmadığını deyərək, əlavə məlumat verməkdən boyun qaçırıb.

Sabiq nazir əlavə edib ki, müharibə ilə bağlı dövlət sirri təşkil edən məqamları açıqlamaq istəmir.

“Müharibənin nəticələri və gedişatı barədə düzgün araşdırma aparıldıqda, bütün suallara cavab alacağıq. İstintaqda iştirak etməyə hazıram”.

Qeyd edək ki, martın 15-də ANAMA əməkdaşları tərəfindən aparılan təmizləmə əməliyyatı zamanı Şuşada iki partlamış raketin qalıqları aşkarlanıb. Tədqiqat zamanı raketin üzərində yazılan 9M723 indeks kodu yoxlanılıb. Məlum olub ki, Şuşaya atılan "İskəndər-M" raketidir.

Pərvanə Sultanova
Azvision.az

Teqlər: İsgəndər   Tonoyan