Məlumat üçün bildirək ki, Zəngilan rayonunda qeydiyyata alınmış 11 faydalı qazıntı yatağı – 1 qızıl-kvars-porfir, 8 qeyri-filiz və tikinti materialı, 2 yeraltı şirin su yatağı mövcud olub. İşğala qədər bu yataqların heç biri istismara cəlb edilməyib. Ermənistanın işğalı dövründə “Vejnəli” qızıl-kvars-porfir, “Zəngilan” əhəng xammalı, “Şərifan” qum-çınqıl, “Xaçınçay dərəsi” və “Həkəriçay dərəsi” yeraltı şirin su yataqları istismar olunub. Düşmən tərəfindən talanan yataqlardan biri olan və ümumi ehtiyatı 6 milyon 618 min kubmetr təşkil edən “Oxçuçay” mərmərləşmiş üzlük daşı yatağında işğalaqədərki dövrdə istismar işləri aparılmayıb.
Belə ki, ermənilər üzlük daşlarını talan edərək Ermənistana daşıyıblar. Onlar yataq ərazisində istifadə etdikləri texnikaları müharibə vaxtı ataraq qaçıblar.
Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəsmisi Şahin Ataşov Azvision.az-a bildirib ki, işğal zamanı yatağın Alabaşlı sahəsində istismar işləri həyata keçirilib.
Onun sözlərinə görə, yataqda düşmən tərəfindən aparılan istismarın həcmini və dəymiş zərərin müəyyənləşdirilməsi üçün geoloji təftiş işlərinin aparılmasına ehtiyac var. Nazirlik rəsmisi əlavə edib ki, yatağın ehtiyatı üzlük daşı və çınqıl xammalı kimi öyrənilib.
Anar Kəlbiyev
Azvision.az
Vaxtında, Aydın, Lazımlı!
-1784628793.jpg&h=190&w=280&zc=1&q=100)
-1768331837.jpg&h=120&w=187&zc=1&q=70')
-1784628793.jpg&h=120&w=187&zc=1&q=70')
