Hazırda “Wi-Fi” şəbəkəsini dəstəkləyən 4 milyard qurğudan istifadə edilir. Bu isə o deməkdir ki, dünyada hər ailənin payına yeddi belə qurğu düşür.

Ötən il smartfon və planşetlər dünya “Wi-Fi” elektronikası bazarının 59 faizini tutub, mobil kompüterlərin payı 9 faizə bərabər olub. Liderliyini davam etdirən “802.11n” standartından 2013-cü ildə satışa çıxarılan “Wi-Fi” modullu qurğuların 84 faizində istifadə edilib.
Mütəxəssislərin fikrincə, “802.11ac” protokolu mobil qurğular arasında populyarlaşmaqda davam etdiyindən artıq 2015-ci ildə əsas istiqamət ola bilər.

“Wi-Fi” rəqəmli audio və videokontentin distribüsiyasında ev daxilində əsas vasitədir, yeni “802.11ac” standartı isə şəbəkəyə qoşulan qurğuların sayını artırmaq niyyətində olan ev təsərrüfatları üçün zəruri texnologiya olacaq”, - şirkət analitiki Devid Uotkins qeyd edib.

Tədqiqatçıların proqnozlarına görə, 2017-ci ilədək dünyada “Wi-Fi” şəbəkəsini dəstəkləyən qurğuların sayı 7 milyard təşkil edəcək. Onlar arasında rəqəmli kamera, simsiz akustik sistem, smart televizor və rəqəmli videomaqnitofonların (Digital Video Recorder, DVR) sayı artacaq.