“Apple” elektromobilləri istehsal ediləcək

“Apple” elektromobilləri istehsal ediləcək
  16 Aprel 2021    Oxunub:1592
Cənubi Koreyanın "LG" şirkəti ilə Kanadanın "Magna International" avtomobil istehsalçısı "LG Magna Electronics Powertrain" və ya "LG Magna e-Powertrain" adlı birgə müəssisə yaradıb.
Məlumata görə, şirkətlər "Apple" elektromobillərinin istehsalına hazırlaşırlar.

"LG Magna e-Powertrain" şirkəti "Apple" korporasiyası ilə saziş imzalamağa yaxındır. Şirkət "Apple" elektromobillərinin kütləvi istehsalına cavabdeh olacaq. Hazırda sazişin detalları ilə bağlı müzakirələr davam etdirilir.

Əvvəlcə elektromobillərin gücü zəif olacaq. Bu, "Apple" şirkətinin birinci nəsil elektromobillərdən bazar tələbatının qiymətləndirilməsi üçün istifadə etməyi planlaşdırması ilə əlaqədardır.

"LG Group" şirkətinin "LG Display", "LG Chem", "LG Energy Solution" və "LG Innotek" daxil olmaqla törəmə şirkətlərinin "Apple" ehtiyat hissələrinin tədarük zəncirinə daxil olduğundan ABŞ korporasiyası təchizat zənciri ilə bağlı problemlərdən narahat deyil. "LG" bölmələri istehsala, habelə "Apple" avtomobilləri üçün lazım olan detal və komponentlərin sürətli çatdırılmasına zəmanət verirlər.

"LG" smartfonlarının istehsalı üzrə bölmənin bağlanılması ilə bağlı qərardan sonra şirkət avtomobil biznesinə investisiya qoyuluşu üçün daha çox vəsaitə malik olacaq.

Azvision.az


Teqlər: “Apple”   Avtomobil  





Xəbər lenti