Azərbaycan nefti bahalaşıb

  17 Aprel 2021    Oxunub : 2719
Azərbaycan nefti bahalaşıb
Dünya birjalarında neft qiymətləri ucuzlaşır.
Azvision.az xəbər verir ki, Londonun ICE (“InterContinental Exchange Futures”) birjasında “Brent” markalı neftin bir barrelinin qiyməti 0,17 dollar geriləyərək 66,77 dollar, Nyu-Yorkun NYMEX (“New York Mercantile Exchange”) birjasında “Light” markalı neftin bir barrelinin qiyməti isə 0,33 dollar ucuzlaşaraq 63,13 dollar olub.

“Azeri Light” markalı neftin bir barrelinin qiyməti 0,24 dollar artaraq 66,28 dollar təşkil edib.

Qeyd edək ki, “Azeri Light” neftinin bir barrelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.


Azvision.az

Teqlər: Neft