ÜST: Bir həftədə yoluxmalar rekord həddə çatıb

  20 Aprel 2021    Oxunub : 1678
      ÜST:    Bir həftədə yoluxmalar rekord həddə çatıb
Son bir həftə ərzində dünyada koronavirusa yoluxma halları rekord həddə çatıb.
Azvision.az xəbər verir ki, bu barədə Ümumdünya Səhiyyə Təşkilatı (ÜST) məlumat yayıb. Qeyd olunub ki, ötən həftə yeni yoluxma hallarının sayı 5,2 milyon olub.

ÜST-ün baş direktoru Tedros Qebreyesus bildirib ki, artıq səkkiz həftədir yoluxmaların, beş həftədən çoxdur ölüm hallarının sayı artmaqdadır.

Bundan əlavə, ÜST rəhbəri dünyanın zəngin ölkələrini həmrəylik göstərməyə və peyvəndlə təminatda yoxsul ölkələri dəstəkləməyə çağırıb.

Onun sözlərinə görə, bəzi zəngin ölkələrdə əhali arasında hər dörd nəfərdən biri peyvənd olunduğu halda, yoxsul ölkələrdə hər 500 nəfərdən cəmi biri bu imkandan yararlana bilib.

Azvision.az

Teqlər: ÜST   Koronavirus