Mehri şəhərinin merinə cinayət işi açıldı

  22 Aprel 2021    Oxunub : 1723
  Mehri şəhərinin merinə cinayət işi açıldı
Ermənistanın Mehri şəhərinin meri Mxitar Zakaryan barəsində cinayət işi başlanıb.
Azvision.az “Sputnik Armeniya”ya istinadən xəbər verir ki, məlumatı Ermənistanın İstintaq Komitəsinin mətbuat xidməti yayıb.

Onun barəsində Cinayət Məcəlləsinin 258-ci maddəsinin 1-ci və 3-cü hissəsi (xuliqanlıq, bir qrup şəxs tərəfindən təşkil edilmiş ictimai qaydanın qəsdən pozulması), habelə 316-cı (dövlət məmuruna qarşı zor tətbiq etmə) maddəsi ilə cinayət işi açılıb, istintaq aparılır.

Qeyd edək ki, Ermənistan baş naziri Nikol Paşinyanın aprelin 21-də Zəngəzur vilayətinin Mehri və Aqarak şəhərlərinə səfəri zamanı yerli sakinlər baş nazirin avtomobilinə və mühafizəçilərinə hücum ediblər. Mehri şəhərinin meri Mxitar Zakaryan isə etirazçılara dəstək verib.

İlkin Nəcəfzadə
Azvision.az

Teqlər: Ermənistan   Paşinyan