Erməni patriarx 1915-ci il hadisələrinin siyasiləşdirilməsini pislədi

  23 Aprel 2021    Oxunub : 3300
 Erməni patriarx 1915-ci il hadisələrinin siyasiləşdirilməsini pislədi
"Bəzi ölkələrin xalqımızın kədərini və əcdadlarımızın müqəddəs xatirəsini gündəlik siyasi məqsədlərə alət etməsi bizi məyus edir".

Azvision.az xəbər verir ki, bunu Türkiyə ermənilərinin patriarxı Sahak Maşalyan 1915-ci il hadisələri ilə bağlı açıqlamasında deyib. Onun sözlərinə görə, türklər və ermənilər arasında sülh və dostluq təşviq edilməlidir.
"Türkiyə və Ermənistan qonşu dövlətlərdir. Ümid edirəm ki, tanrının köməyi ilə türk-erməni münasibətlərində qarşılıqlı hörmətə əsaslanan əlaqələr təmin olunacaq. Türkiyə və Ermənistanın rəsmi qurumları arasında əlaqələrin qurulmasını gözləyirik", - deyə erməni din xadimi söyləyib.

Sahak Maşalyan xarici ölkələrə müraciət edərək 1915-ci il hadisələrini siyasi alətə çevirməməyə çağırıb və bu kimi cəhdləri pisləyib.

Azvision.az

Teqlər: Türkiyə   Patriarx