Azvision.az xəbər verir kİ bu fikirlər Fransanın “Causeur” portalında Azərbaycanın bu ölkədəki səfiri Rəhman Mustafayevin bəzi fransız siyasətçilərinin söylədiyi cəfəngiyyata cavab məqaləsində dərc olunub. Məqalədə ermənipərəst fransız siyasətçilərin ermənilərdən eşitdikləri cəfəngiyyata uyaraq, yalanlar yazmasına etiraz bildirilib. Ermənipərəst fransız siyasətçilərin söylədikləri yalanları ifşa edən həqiqətlər diqqətə çatdırılıb.

Məqalədə qeyd olunur ki, əslində, bununla ermənipərəst fransız siyasətçilər Ermənistan-Azərbaycan münaqişəsinin tarixi, hüquqi və siyasi aspektlərini bilmədiklərini, daha çox bilmək istəmədiklərini aydın şəkildə göstərirlər.

Azərbaycan səfiri münaqişə ilə bağlı söylənilən fikirlərə aydınlıq gətirərək, əsl həqiqəti təqdim edib. Qarabağın tarixi və tarix boyu inkişafı ilə bağlı məlumat verilən məqalədə ermənilərin məqsədli şəkildə Azərbaycanın Qarabağ bölgəsinə, ümumiyyətlə Qafqaza köçürülməsi haqqında tanınmış tədqiqatçıların və tarixçilərin əsərlərindən sitatlar gətirilib.

Yazıda Qarabağda azərbaycanlıların ermənilərin etnik təmizləmə siyasətinə məruz qaldıqları, ötən əsrin sonlarında 800 minə qədər azərbaycanlının doğma yurdundan didərgin salındığı qeyd edilib.

Səfir Ermənistan-Azərbaycan münaqişəsinin dini zəmində olduğunu iddia edənlərə cavab verərək yazır ki, konfliktin əsasında erməni nifrəti, etnik təmizləmə və təcavüzkar siyasəti dayanır. Azərbaycan tolerant, etnik qrupların dinc yanaşı yaşadığı dünyəvi ölkədir.

Minsk qrupunun 28 il müddətində apardığı danışıqların səmərəsizliyini vurğulayan səfir qeyd edir ki, təşkilat BMT Təhlükəsizlik Şurasının qətnamələrinin reallaşdırılması üçün heç bir real iş görməyib.

Üçtərəfli Bəyanatın imzalanması ilə başa çatan 44 günlük Vətən müharibəsində Azərbaycan əslində BMT Təhlükəsizlik Şurasının uzun illər kağız üzərində qətnamələrini təkbaşına icra etdi.

Məqalədə bildirilir ki, üçtərəfli Bəyanatdan sonra Azərbaycanda ələ keçirilən ermənilər terrorçudurlar və onlar azərbaycanlıları qətlə yetiriblər. Bu Ermənistanın üçtərəfli Bəyanatın şərtlərini pozmasıdır və bu ölkə bütün hərbi fəaliyyətlərə son qoymalıdır.

Azvision.az