Baydenin “soyqırım” bəyanatının arxasında kim durur?

  25 Aprel 2021    Oxunub : 6012
Baydenin “soyqırım” bəyanatının arxasında kim durur?
ABŞ prezidenti Co Baydenin 1915-ci il hadisələrini "soyqırımı" adlandırmasının pərdəarxası məqamları üzə çıxıb.
Azvision.az Türkiyə mətbuatına istinadən xəbər verir ki, ABŞ liderini tarixi saxtakarlığa sövq edən şəxs ölkənin vitse-prezidenti Kamala Harrisdir.

Harris bu müddət ərzində proseslərə səssiz qalsa da, əslində onun Baydenin üzərində çox böyük təsirə malik olduğu heç kimə sirr deyil.

ABŞ-ın qaradərili ilk qadın vitse-prezidenti Harrisin yüksək vəzifəyə Kaliforniyadan gəlməsi və erməni diasporası tərəfindən ciddi şəkildə dəstəklənən siyasətçi olması Co Baydenin 106 il əvvəl -1915-ci ildə Osmanlı dövlətində baş vermiş hadisələrə qərəzli münasibətinə öz təsirini göstərib.



Eyni zamanda, Baydenin çıxışlarında Kamala Harrisi ölkə başçısı kimi təqdim etməsi də onun Ağ evdə əsas söz sahibi olmasından xəbər verir.

Digər tərəfdən, 78 yaşlı Baydenin seçki prosesi zamanı erməni və yunan lobbilərinə verdiyi vədlər onu belə bir addımı atmağa sürükləyib. Ehtimal edilir ki, Bayden öz postunu möhkəmləndirmək və bu məqsədlə ABŞ-dakı erməni lobbisinin maraqlarını təmin etmək üçün tarixi saxtakarlığa yol verməyə razı olub.

Azvision.az

Teqlər: CozefBayden