Rusiya Hindistana tibbi yardım göndərir
“Rusiya Federasiyası rəhbərliyi Hindistanla dostluq və xüsusilə strateji tərəfdaşlıq ruhunda bu ölkəyə koronavirus infeksiyası hallarının kəskin artması ilə əlaqədar olaraq böyük həcmdə yardım göndərmək barədə qərar qəbul edib. Yardım Rusiya Fövqəladə Hallar Nazirliyinin təcili reysi ilə çatdırılacaq, oksigen konsentratları, süni tənəffüs aparatları, koronavirus əleyhinə dərmanlar və digər zəruri tibbi vasitələrdən ibarət olacaq", - məlumatda deyilir.
Son sutkada Hindistanda koronavirusa 323,1 min yoluxma qeydə alınıb, ölkədə ümumi xəstələrin sayı 17,6 milyon nəfərə çatıb. Bir gündə 2,7 min olmaqla, virusdan ölənlərin sayı 197,8 min nəfərdir.
Pərvanə Sultanova
Azvision.az