Pensiya hansı hallarda yenidən hesablanır? - RƏSMİ
“Pensiya məbləğini hesablamaq üçün başqa əsas olmadığından məcburi eyni cavabı göndəririk. Pensiyaların yenidən hesablanmasına əsas olmalıdır. Birincisi, hər il pensiyaların indeksləşdirilməsi baş verir. Proses avtomatlaşdırılmış qaydada həyata keçirilir. İkincisi, 2019-cu ildə aparılan islahatlara əsasən pensiyaların hesablanması proaktiv qaydada aparılır. Burada 25 il sığorta stajı əsas götürülür. Bəzən vətəndaşın sığorta stajı daha çox olur. Bu zaman vətəndaş yenidən stajı təsdiq edən sənədləri təqdim edir və hesablanma aparılır. 25 ildən artıq staj hissəsi əlavə olaraq hesablanır və üzərinə əlavə edilir. Bəzən bizə təhsil dövrünün staja daxil edilməsi ilə bağlı müraciət edirlər. Bu, 2006-i ildən əvvəlki dövrə aiddir, həmin şəxs əyani təhsil almalıdır. Bundan əlavə, pensiyaya çıxan şəxs hələ də işləyirsə, o, hər 6 ildən bir yığılmış kapitalını hesablatdıra bilər”, - deyə DSMF rəsmisi qeyd edib.
Aytən Zəhra
Azvision.az