Yoluxmalar azalır, karantin rejimi yumşala bilər
Həkim-infeksionist Sadiqə Əliyeva Azvision.az -a açıqlamasında bildirib ki, epidemioloji vəziyyətdən asılı olaraq karantin tədbirlərində yumşalma və sərtləşdirmə ola bilir.
S.Əliyeva indiyə qədər bütün yoluxucu xəstəliklərlə mübairəzədə ən effektiv üsulun vaksinasiya olduğunu qeyd edib. Onun sözlərinə görə, pandemiya ilə mübarizədə yoluxma zəncirini qırmağın ən effektiv yolu vaksinasiyadır.
“Bütün əhalini vaksinasiya olmağa çağırıram. Hər kəs ailəsini, özünü qorumaq üçün vaksinasiya prosesində maraqlı olmalıdır, fəal iştirak etməlidirlər. Dezinformasiyalara uymasınlar və mümkün qədər peyvənd olmağa çalışsınlar.
Vaksinasiya üçün qoyulan 80 faiz hədəfə nə zaman çatmağımızdan çox əhalinin bu prosesə maraqlı olması vacibdir. Ölkəmizdə vaksinasiya strategiyasına əsasən ilk növbədə yüksək risk qrupları peyvənd olundu. Hazırda 40 yaş üzəri şəxslər vaksinasiya olunur. Vaksinasiya ilə bağlı yaş məhdudiyyətinin aradan qaldırılması təklifi qəbul olunarsa, nəticələr daha yaxşı olar. Lakin bu vaksin sayının miqdarından da asılıdır”.
Aytən Zəhra
Azvision.az
Teqlər: Koronavirus Vaksinasiya