Arutyunyana yeni ittihamlar irəli sürüldü

  05 May 2021    Oxunub : 1192
 Arutyunyana yeni ittihamlar irəli sürüldü
Ermənistanın Xüsusi İstintaq Xidməti ölkənin keçmiş müdafiə naziri Mikael Arutyunyana qarşı irəli sürülən ittihamları yenidən təsnif edib.
Azvision.az xəbər verir ki, bu barədə erməni KİV-ləri məlumat yayıb.

Hazırda Arutyunyan Ermənistan Cinayət Məcəlləsinin 309-cu maddəsinin 3-cü hissəsi (vəzifə səlahiyyətlərindən sui-istifadə, ehtiyatsızlıqdan ağır nəticələrə səbəb olmaq) ilə ittiham olunur.

Bundan əvvəl ona Cinayət Məcəlləsinin 300.1-ci maddəsi (konstitusiya quruluşunun devrilməsi) ilə ittiham irəli sürülmüşdü.

Xatırladaq ki, Mikael Arutyunyan 1-2 mart 2008-ci il hadisələrinə görə keçmiş prezident Robert Koçaryan və bir sıra digər sabiq rəsmilərlə birlikdə günahkar bilinir.

Pərvanə Sultanova
Azvision.az

Teqlər: Ermənistan