Kosmik Agentliyin strukturu müəyyənləşdiriləcək

  08 May 2021    Oxunub :1761
Kosmik Agentliyin strukturu müəyyənləşdiriləcək
Azərbaycan Respublikasının Kosmik Agentliyinin strukturu, nizamnaməsi və nizamnamə fondunun miqdarı müəyyənləşdiriləcək.
Azvision.az xəbər verir ki, bu barədə Baş nazir Əli Əsədovun imzaladığı “Azərbaycan Respublikasının Kosmik Agentliyi (Azərkosmos)” publik hüquqi şəxsin yaradılması haqqında” Azərbaycan Respublikası Prezidentinin 2021-ci il 27 aprel tarixli 1326 nömrəli Fərmanının icrasının təmin edilməsi barədə” sərəncamda qeyd olunub.

Sərəncama əsasən, Nəqliyyat, Rabitə və Yüksək Texnologiyalar Nazirliyi Ədliyyə Nazirliyi, Maliyyə Nazirliyi və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla, Azərbaycan Respublikasının Kosmik Agentliyinin (bundan sonra - Agentlik) strukturu, nizamnaməsi və nizamnamə fondunun miqdarı ilə bağlı təkliflərini bir ay müddətində Nazirlər Kabinetinə təqdim etməlidir.

Nəqliyyat, Rabitə və Yüksək Texnologiyalar Nazirliyi İqtisadiyyat Nazirliyi və icra prosesində müəyyən ediləcək digər aidiyyəti dövlət orqanları (dövlətin hüquqi şəxsləri) ilə razılaşdırmaqla, Agentlik dövlət qeydiyyatına alındığı gündən 15 gün müddətində “Azərkosmos” Açıq Səhmdar Cəmiyyətinin balansındakı əmlakın Agentliyin balansına verilməsini təmin etsin və bu barədə Nazirlər Kabinetinə məlumat verməlidir.

Azvision.az

Teqlər: Azərkosmos