Heydər Əliyevlə bağlı silsilə tədbirlər keçirildi

  10 May 2021    Oxunub :2309
Heydər Əliyevlə bağlı silsilə tədbirlər keçirildi
Xalqımızın milli-mənəvi dəyərlərinə, tarixinə və şəxsiyyətlərinə dərin hörmət bəsləyən “Azərsun Holdinq” müasir Azərbaycanın qurucusu, Ümummilli Lideri Heydər Əliyevin anadan olmasının 98-ci ildönümü münasibətilə silsilə tədbirlər həyata keçirib.
Şirkətdən Azvision.az -a verilən məlumata görə, Ümummilli Liderin anım tədbirləri ilə əlaqədar Şirkətlər Qrupu adından ulu öndərin məzarı önünə əklil qoyulub. Həmçinin görkəmli alim akademik Zərifə Əliyevanın və Əziz Əliyevin məzarları ziyarət edilərək xatirələri ehtiramla yad edilib.
“9 may” faşizm üzərində qələbənin qazanılmasının 76-ci ildönümü münasibətilə Şirkətlər Qrupu adından 2 dəfə Sovet İttifaqı qəhrəmanı olmuş Həzi Aslanovun abidəsi ziyarət olunub, önünə gül dəstəsi qoyulub.

Qeyd edək ki, 640 min həmvətənimizin iştirak etdiyi müharibədə Azərbaycan xalqı xeyli sayda itkilərə və hədsiz məhrumiyyətlərə məruz qalaraq düşmən üzərində qələbənin qazanılmasında mühüm rol oynayıb.

Azvision.az

Teqlər: Heydər-Əliyev