Koçaryan Paşinyanı aşağıladı: “Ləyaqətimiz var, ya yox?”

  25 May 2021    Oxunub :539
Koçaryan Paşinyanı aşağıladı:  “Ləyaqətimiz var, ya yox?”
Əgər sən özün heç nə etmirsənsə, KTMT-yə niyə müraciət ünvanlayırsan?
Azvision.az xəbər verir ki, bunu Ermənistanın ikinci prezidenti Robert Koçaryan baş nazir vəzifəsini icra edən Nikol Paşinyanın sərhəd məsələsi ilə bağlı bu quruma müraciəti barədə danışarkən deyib.

Koçaryan baş verənləri küçədə incidilmiş bir uşağın qaçaraq atasına şikayət etmək üçün gəlməsi ilə müqayisə edib.

"Nəhayət, biz dövlətik, ya yox? Ləyaqətimiz, qürurumuz var, ya yox? Özünüz heç nə etmədiyiniz halda sənin əvəzinə başqasının nəsə etməsini gözləyirsən. Absurd janrından bəhs olunur. Əminəm ki, oxşar hal KTMT-nin tarixində olmayıb. Özünüz problemlərin həlli üçün nəsə etmirsinizsə, heç kim sizə kömək etməyəcək. Bu, çox sadə bir düsturdur”.

Pərvanə Sultanova
Azvision.az

Teqlər: RobertKoçaryan  






Xəbər lenti