Ermənistanda daha bir əsgər intihar edib

  26 May 2021    Oxunub :304
 Ermənistanda daha bir əsgər intihar edib
Ermənistan ordusunun əsgəri Mqer Ovannisyanın intiharı ilə bağlı cinayət işi açılıb.
Azvision.az xəbər verir ki, bu barədə Ermənistanın İstintaq Komitəsi məlumat yayıb.

Qeyd edilib ki, hərbçi mayın 25-də saat 12:55 radələrində xidmət etdiyi hərbi hissədə “AKM” markalı avtomatdan başına atəş açaraq özünü öldürüb.

“Hərbi qulluqçu “Noemberyan” tibb mərkəzinə aparılıb, orada onun ölümü qeydə alınıb”, - məlumatda bildirilir.

Hadisə ilə bağlı cinayət işi açılıb.

Bundan əvvəl Ermənistanın Müdafiə Nazirliyi hadisənin odlu silahdan ehtiyatsız davranma nəticəsində baş verməsi barədə məlumat yaymışdı.

Pərvanə Sultanova
Azvision.az

Teqlər: Ermənistan