Azvision.az xəbər verir ki, bu barədə ABŞ Enerji Nazirliyinin enerji informasiya idarəsinin məlumatında deyilir.

Məlumata görə, sonuncu dəfə ABŞ İrandan 1991-ci ilin noyabrında neft idxal edib. Onda tədarük həcmi gündəlik 64 min barel təşkil edib. Eyni zamanda, 2020-ci ilin oktyabr ayında ABŞ İrandan gündəlik 36 min barel həcmində neft məhsulları idxal edib. Bu tədarüklər 1991-ci ilin dekabrından bəri ilk dəfə həyata keçirilib.

ABŞ Enerji Nazirliyinin məlumatına əsasən, 1973-1979-cu illər arasında İrandan mütəmadi olaraq neft və neft məhsulları idxal edilib. Sonra tədarüklər tədricən azalıb. 1988-ci ilin yanvarında İran ABŞ-a gündə yalnız 1000 barel neft və neft məhsulları tədarük edib, bundan sonra idxal 1991-ci ilin iyuluna qədər dayandırılıb. Daha beş ay ərzində İran ABŞ-a neft və neft məhsulları göndərib, sonra tədarük 2020-ci ilin oktyabr ayına qədər dayanıb.

Eyni zamanda, nazirliyin statistikasında 2002-ci ilin sentyabrından 2020-ci ilin sentyabrına qədər İrandan neft və neft məhsullarının tədarükü ilə bağlı məlumatlar qeyd edilməyib.

Pərvanə Sultanova
Azvision.az