SOCAR-ın Müşahidə Şurasının iclası keçirilib

SOCAR-ın Müşahidə Şurasının iclası keçirilib
  29 May 2021    Oxunub:1123
Bu gün Dövlət Neft Şirkətinin (SOCAR) Müşahidə Şurasının növbəti iclası keçirilib.
Azvision.az şirkətə istinadən xəbər verir ki, Şuranın sədri, iqtisadiyyat naziri Mikayıl Cabbarov toplantı iştirakçılarını 28 May - Respublika Günü münasibəti ilə təbrik edib: "Bu il Respublika Gününü Prezident, Ali Baş Komandan İlham Əliyevin rəhbərliyi ilə Vətən müharibəsində şanlı qələbə qazanan qalib dövlətin, güclü və müstəqil Azərbaycanın vətəndaşları olaraq qeyd edirik".

İclasda dövlət başçısının fərman və sərəncamlarından irəli gələn vəzifələrin icrasının təmin edilməsi məqsədilə həyata keçirilən tədbirlər müzakirə edilib. Daha sonra ötən iclasda verilmiş tapşırıqların yerinə yetirilməsi vəziyyəti barədə SOCAR-ın təqdimatı dinlənilib, şirkətin bu il üçün maliyyə planının icrası ilə bağlı fikir mübadiləsi aparılıb.

Müşahidə Şurası ölkə prezidentinin “SOCAR-ın idarə edilməsinin təkmilləşdirilməsinə dair tədbirlər haqqında” 2021-ci il 23 yanvar tarixli Fərmanına əsasən yaradılıb.

Azvision.az



Teqlər: SOCAR  





Xəbər lenti