Sabah 72 istiqamət üzrə avtobuslar yola düşəcək

  30 May 2021    Oxunub :489
Sabah 72 istiqamət üzrə avtobuslar yola düşəcək
May ayının 31-də saat 09:00-da Bakı Beynəlxalq Avtovağzal Kompleksində (BBAK) 1 il 2 ay davam edən fasilədən sonra ilk avtobuslar regionlara yola düşəcək.
Dövlət Avtomobil Nəqliyyatı Xidmətindən Azvision.az -a bildirilib ki, 72 istiqamət üzrə 663 avtobus sabahdan etibarən xidmətə cəlb olunacaq.

Sərnişinlərə səfərdən öncə “avtovagzal.az” saytında şəhərlərarası (rayonlararası) sərnişindaşımanı həyata keçirən avtobusların fəaliyyətinə dair və şəhərlərarası (rayonlararası) avtobus marşrutlarının fəaliyyətinin bərpa edilməsi ilə bağlı avtovağzallara dair təlimatla tanış olmaq tövsiyə edilir.

Azvision.az

Teqlər: Vağzal   Avtobus