Hindistanda son 70 gündə ən aşağı yoluxma olub

  12 İyun 2021    Oxunub :440
Hindistanda son 70 gündə ən aşağı yoluxma olub
Hindistanda son sutka ərzində koronavirusa 84 332 yeni yoluxma qeydə alınıb.
Azvision.az bu barədə ölkənin Səhiyyə Nazirliyinə istinadla xəbər verir. Ölkədə yoluxanların ümumi sayı 29 359 155-ə çatıb. Bir gündə virusdan 4 002 ölüb. Epidemiya qurbanlarının sayı 367 081-ə çatıb.

Gündəlik yoluxma son 70 gündə ən aşağı olub. Ardıcıl beş gündür ki, Hindistanda yoluxma 100 mindən aşağı düşüb. 5 aprel - 8 iyun tarixlərində gündəlik yeni infeksiyaların sayı 100 mini keçib, may ayında bu rəqəm 5 dəfə artaraq 400 min nəfəri ötüb. 7 mayda isə anti-rekord - 414 188 yoluxma hadisəsi qeydə alınıb.

İndiyədək COVID-19-dan 27 911 384 nəfər sağalıb. Ölkədə mart ayında başlayan ikinci dalğa zamanı 719 həkim və tibb işçisi ölüb.

Pərvanə Sultanova
Azvision.az

Teqlər: COVID   Hindistan  






Xəbər lenti