Qardaş vaksini: "TURCOVAC"ın son sınağı başladı
- Yeni peyvəndimiz (koronavirüs əleyhinə - red.) "Turkovac" adlanacaq,- deyə Türkiyə prezidenti vaksinin sınağının 3-cü mərhələsi ilə bağlı keçirilən videokonfransda bildirib. Onun sözlərinə görə, vaksinin ilin sonuna qədər istifadəyə verilməsi planlaşdırılır.
Ərdoğan qeyd edib ki, Türkiyə hazırda müxtəlif ölkələrin COVID-19 əleyhinə vaksinindən istifadə edir. Onun fikrincə, həmin vaksinlərin ölkələr üzrə bölgüsü ədalətli olmalıdır.
Bu arada Türkiyə koronavirus pandemiyası ilə əlaqədar tətbiq edilən məhdudiyyətlərin çoxunu aradan qaldırıb. İyunun 21-dən komendant saatı ləğv edilib.
Səbinə Həsənova
Azvision.az
Teqlər: Vaksin