“Əldə edilən bəzi sənədlər və etibarlı mənbələrə istinad edildikdə jurnalistin qətlində iştirak edən səudiyyəlilər Dövlət Departamenti tərəfindən təsdiqlənmiş xüsusi bir müqavilə əsasında ABŞ-da hərbi hazırlıq keçdikləri üzə çıxıb”, -deyə məqalədə yazılıb.

Nəşr iddia edir ki, haqqında söz açılan dörd ərəbin hərbi hazırlığı Arkanzasdakı "Tier 1" təhlükəsizlik şirkəti tərəfindən həyata keçirilib. Şirkətin açıqladığı məlumatda isə, hazırlığa atəş, hücuma qarşı mübarizə daxil olub. Bütün bunlar da Səudiyyə liderləri üçün daha etibarlı mühafizə hazırlamaq məqsədi daşıyıb.

Qeyd edək ki, Kaşıkçı 2018-ci ilin oktyabrında İstanbulda yerləşən Səudiyyə Ərəbistanı konsulluğunda öldürülüb. Əvvəlcə krallığın səlahiyyətliləri onun diplomatik nümayəndəlikdə itkin düşdüyünü inkar etmişdilər. Lakin video və səs yazıları ortaya çıxdıqdan bir müddət sonra Kaşıkçının "konsulluq rəsmiləri ilə mübahisə nəticəsində" öldürüldüyünü etiraf etməyə məcbur oldular.

Tural Tağıyev

Azvision.az