Paşinyanın qohumları ictimai fəalı döydülər

  25 İyun 2021    Oxunub :417
 Paşinyanın qohumları ictimai fəalı döydülər
Dünən bir qrup gənc Ermənistanın Tavuş bölgəsi sakini, ictimai fəal Vazgen Franqulyanı döyüb.
Azvision.az xəbər verir ki, bu barədə yerli media məlumat yayıb. Belə ki, Vazgen Franqulyan ağır bədən xəsarətləri alaraq xəstəxanaya yerləşdirilib. Onun hakimiyyət-Nikol Paşinyan əleyhinə arzuolunmaz ifadələr işlətdiyi bildirilir.

"Bir qrup gənc Vazgeni halsız vəziyyətdə olana kimi döyüb. Gənclərin Paşinyanın qohumları olduğu deyilir. Vətəndaş ağır xəsarətlərlə Dilican Tibb Mərkəzinə aparılıb. Ancaq maraqlıdır ki, mərkəzdən bizə bu adda hər hansı bir xəstənin olmadığını bildirdilər. Vazgenin əvvəlki günlərdə klinikaya qəbul edilməsini soruşduq. Sorğumuza cavab olaraq belə məlumatları verməyə səlahiyyətlərinin olmadığını dedilər. Amma polisdəki mənbələrimiz həmin adda bir gəncin həmin gün xəstəxanaya aparıldığını təsdiqlədi. Mərkəzdən polisə bildiriblər ki, xəstəxanaya gətirilən Franqulyan yıxılaraq zədələr alıb", -deyə məqalədə yazılıb.

Tural Tağıyev

Azvision.az

Teqlər: Paşinyan   Tavuş   Qohum  






Xəbər lenti