Füzuli və Zəngilanın da mina xəritələri Azərbaycana verildi

  Füzuli və Zəngilanın da mina xəritələri Azərbaycana verildi
  03 İyul 2021    Oxunub:2946
Rusiya Federasiyasının təşəbbüsü ilə Ermənistan işğal dövründə Füzuli və Zəngilan rayonlarında basdırdığı təqribən 92 min tank və piyada əleyhinə minalara dair xəritələri Azərbaycan tərəfinə təqdim edib. Bu barədə Azərbaycanın Xarici İşlər Nazirliyi məlumat yayıb.
Azvision.az xəbər verir ki, mina xəritələrinin alınması üzrə humanitar təşəbbüsün həyata keçirilməsində göstərdiyi vasitəçilik xidmətlərinə görə XİN Azərbaycan Respublikasının ərazisində müvəqqəti yerləşdirilmiş Rusiya Federasiyası sülhməramlı kontingentinin komandanı Rüstəm Muradova təşəkkür edib.
Ermənistana qaytarılan təxribatçıların ADLARI

- Mina xəritələrinin əldə edilməsi on minlərlə vətəndaşımızın, o cümlədən, minatəmizləyənlərin həyatını təhlükədən xilas edəcək və işğaldan azad edilmiş ərazilərimizdə Azərbaycan Respublikasının Prezidenti cənab İlham Əliyev tərəfindən əsası qoyulan tikinti və yenidənqurma layihələrini və məcburi köçkünlərin qayıdışı prosesini sürətləndirəcək. Humanist addım olaraq Azərbaycan tərəfi məhkəmənin hökmü ilə azadlıqdan məhrum edilmiş və təyin edilmiş cəza müddəti bitmiş 15 nəfər erməni əsilli şəxsi Ermənistana təhvil verib , - açıqlaamada vurğulanır.

Azvision.az



Teqlər:   Mina  





Xəbər lenti