Muhittin Özdemir “ASAN xidmət” mərkəzi ilə tanış olub

Muhittin Özdemir “ASAN xidmət” mərkəzi ilə tanış olub
  07 İyul 2021    Oxunub:1036
Türkiyə Respublikasının Ədliyyə Akademiyasının rektoru Muhittin Özdemirin başçılıq etdiyi nümayəndə heyəti “ASAN xidmət” mərkəzinin fəaliyyəti ilə tanış olub.
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin ictimaiyyətlə əlaqələr şöbəsindən Azvision.az -a bildiriblər ki, qonaqlara agentliyin yaradılması tarixi, məqsədi və qurumun fəaliyyəti barədə ətraflı məlumat verilib. Bildirilib ki, dövlət agentliyinin tabeliyində olan “ASAN xidmət” mərkəzləri müasir tələblərə cavab verən sosial innovasiyalardan istifadə etməklə vətəndaşlara operativ, şəffaf və səmərəli dövlət xidmətləri göstərir. Vətəndaşlara xidmət prosesi ilə əyani tanış olan qonaqlar bir çox ölkələrdə “vahid pəncərə” prinsipi ilə çalışan qurumların fəaliyyət göstərməsinə baxmayaraq “ASAN xidmət”in vətəndaş rahatlığı və məmnunluğu baxımından bir inqilab etdiyini bildiriblər.

Görüş zamanı qonağa Azərbaycan Respublikasının ərazi bütövlüyünün müdafiəsi ilə əlaqədar yaralananların və şəhid ailələrinin təminatına dəstək fondu – “YAŞAT” Fondu barədə də məlumat verilib.

Qonaqlar, həmçinin “ASAN xidmət”də könüllülük fəaliyyəti ilə də tanış olublar.



Azvision.az



Teqlər:





Xəbər lenti