“Kosmosda həyat axtarmağa davam edirik” – NASA-nın rəhbəri

   “Kosmosda həyat axtarmağa davam edirik” –    NASA-nın rəhbəri
  09 İyul 2021    Oxunub:2178
“Kainatda Yerdən kənarda şüurlu həyat mövcud ola bilər”. Bunu NASA-nın rəhbəri, astronavt və senator Bill Nelson deyib. Onun sözlərinə görə, kosmik agentlik fəal şəkildə kosmosda şüurlu həyat izlərini, həmçinin həyatın yaranması üçün əlverişli şəraitin olduğu planetləri axtarmağa davam edir.
Kosmosda nüvə qalmaqalı böyüyür: ABŞ Rusiyaya xəbərdarlıq etdi
- 13.5 milyard il yaşı olan Kainatda başqa günəşlərin, bizim planetə bənzər başqa planetlərin yaranması mümkün idimi? Mən deyərdim ki, “bəli”. Əminəm ki, orada şüurlu həyatın varlığına dair dəlilləri də əldə edəcəyik,- Bill Nelson CNBC-yə müsahibəsində bildirib.

Azvision.az xəbər verir ki, NASA-nın Günəş sistemindəki fəaliyyətindən danışan Nelson Marsdakı “Perseverance” aparatının “Ingenuity” helikopterinin artıq 9-cu uçuşu həyata keçirdiyini deyib. Bu dəfə helikopter havada 3 dəqiqə qalaraq, 5 metr/saniyə sürətilə hərəkət edib.

- Hazırda Ingenuity Marsda qumlu ərazini tədqiq edir ki, “Perseverance”-ın ora gedəcəyi təqdirdə qumda batıb-batmayacağını müəyyən eləsin,- NASA-nın rəhbəri əlaqə edib.


Samir Quliyev
Azvision.az


Teqlər: Kosmos   NASA  





Xəbər lenti