Qriqoryan xarici işlər nazirinin birinci müavini təyin edildi
Baş nazirin digər sərəncamı ilə Qriqoryanın Ermənistan Təhlükəsizlik Şurasının katibi vəzifəsindən azad edilib.
Xatırladaq ki, XİN rəhbəri Ara Ayvazyan mayın 27-də istefa verib. Onun ardınca müavinləri - Qaqik Qalaçyan, Avet Adonts, Artak Apitonyan və Armen Qevondyan istefaya gediblər. Sonuncunun istefası qəbul edilməyib, indi müvəqqəti olaraq Ayvazyanı əvəz edir.
"Qraparak" qəzetinin yazdığına görə, Tiqran Seyranyan və Tiqran Mkrtchyan da nazir müavinləri ola bilərlər. Seyranyan ARFD üzvü Spartak Seyranyanın əmisi oğludur. O, Çexiya və Slovakiyada səfir olub, indi Ermənistanın Ukraynadakı səfiridir. Tiqran Mkrtçyan isə Ermənistanın Baltikyanı ölkələrdəki səfiri olub, lakin 15 mart 2021-ci ildə geri çağrılıb və kadr ehtiyatındadır.
Pərvanə Sultanova
Azvision.az
Teqlər: