Azvision.az xəbər verir ki, yanğınların peyk görüntülərini paylaşan NASA qısa müddətdə külə dönən yaşıllıq zonalarının Türkiyədə il ərzində yanğınlar baş verən ərazilərdən çox olduğunu açıqlayıb. Qurum Türkiyə paylaşımında bölgədəki ümumi ekoloji vəziyyəti də qiymətləndirib.

Bununla bağlı məqalədə deyilir:

Türkiyədəki yanğınlar kosmosdan belə görünür - FOTOLAR

-Türkiyə bir neçə ay davam edən quru və şiddətli isti havalardan sonra illərdir qarşılaşmadığı bir yanğını dəf etməyə çalışır. Bu yaxınlarda Türkiyənin 30 -dan çox vilayətində 180 -dən çox meşə yanğını qeydə alınıb. Yanğınların çoxu Aralıq və Egey dənizi sahillərinə yayıldı. Meşələri ağuşuna alan alovlar Antalya, Muğla və Mərmərə ətrafındakı bəzi yaşayış məntəqələrini də faciəvi hala saldı. NASA -nın "Operativ Land Imager" sistemindəki "Landsat 8" peyki Alanya və Manavqat sahilləri boyunca yanğın baş verən bölgələrin görüntülərini əldə edib.

Türkiyədə dünyadakı illik yanğının 3 qatı qədər meşə yandı




Avropa da Türkiyədəki təbii fəlakətlə bağlı prosesləri izləyir. Avropa Meşə Yanğını Məlumatlandırma Xidməti isə bu il Türkiyədə 36 min hektar ərazinin yandığını bəyan edib. Bu, dünyada illik yanğınlardan 3 dəfə çoxdur. Eyni zamanda, iyulun 30-da Avropa Kosmik Agentliyinin "Sentinel-3" peyki də yanğınların görüntüsünü yaydı.

Qeyd edək ki, hazırda yanğınlar güclü külək, 40 dərəcədən yuxarı temperatur və aşağı rütubətə görə daha da güclənir. Xorvatiya, İran, İspaniya, Rusiya, Ukrayna, Azərbaycan kimi ölkələr texniki avadanlıqlar və işçi heyəti göndərməklə alovun qarşısının alınmasına yardım edir.

Xatırladaq ki, Avropanın cənubunda da bir neçə həftədir ki, yüksək temperaturun yaratdığı bir sıra fəsadlarla mübarizə aparırlar. Bu zonada 1980 -ci ildən bəri ilk dəfədir ki, belə bir anormal temperatur qeydə alınır. Ötən ay Türkiyə və Yunanıstanda isə rekord temperatur qeydə alınıb. Havaların anormal şəkildə isti keçməsi Türkiyə ilə yanaşı Yunanıstana da mənfi təsir edir. Burada 45 dərəcəyə çatan temperaturun bir neçə gün davam edəcəyi gözlənilir. Yüksək temperatur səbəbindən bu həftə nəinki Yunanıstanda Livan, İran və dünyanın digər ölkələrində də yanğınlar başlayıb.

Tural Tağıyev
Azvision.az