Merkel Rusiya və Ukraynaya səfər edəcək
"Səfər proqramının təfərrüatları gələn həftə açıqlanacaq. Ancaq onun prezident Putinlə görüşəcəyi dəqiqdir", - Zaybert deyib.
Kremldən isə bildiriblər ki, Rusiya lideri Merkel ilə ikitərəfli münasibətlərin inkişafını, beynəlxalq və regional problemləri müzakirə etmək niyyətindədir.
Məsələyə münasibət bildirən Ukrayna prezidentinin mətbuat katibi Serqey Nikiforovun sözlərinə görə, Merkelin Vladimir Zelenski ilə görüşündə "Şimal axını-2"nin işə salınması halında Almaniyanın verə biləcəyi qarantiyalar və Donbasdakı vəziyyət müzakirə olunacaq.
Qeyd edək ki, Moskva və Kiyev görüşü Merkelin kansler olaraq xaricə son səfərlərindən biri kimi qiymətləndirilir. Çünki Almaniyada sentyabr ayında seçkilər keçiriləcək.
Tural Tağıyev
Azvision.az
Teqlər: Merkel Rusiya Ukrayna Səfər