Qan tökülməsin deyə yoxa çıxan Qani: Keçmiş prezident haradadır?

Qan tökülməsin deyə yoxa çıxan Qani: Keçmiş prezident haradadır?
  16 Avqust 2021    Oxunub:1305
Dünən “Taliban” hərəkatının döyüşçüləri Əfqanıstan paytaxtını zəbt etdikdən sonra ölkəyə nəzarəti tam ələ keçirmiş oldular. Silahlıların Kabilə girməsi ilə bağlı məlumatların yayılmasından dərhal sonra ölkə prezidenti Əşrəf Qani Əfqanıstanı tərk etdi. Bundan sonra yaraqlıların prezident sarayına daxil olmaları ilə bağlı videogörüntülər yaydılar.
Azvision.az xəbər verir ki, hazırda Əşrəf Qaninin yeri müəmmalı olaraq qalır. Keçmiş prezidentin Tacikistana, oradan isə Omana uçduğu söylənsə də, bu informasiya təsdiqini tapmadı. Daha sonra mediada onun Qazaxıstana qaçması iddia olundu. Bu gün isə Xarici İşlər Nazirliyinin rəsmi nümayəndəsi Aybek Smadiyarov RİA Novosti-yə verdiyi açıqlamada Əfqanıstan liderinin Qazaxıstana sığınmadığını bildirib.

Tramp Əfqanıstana görə hərbçiləri məhkəməyə verəcək
Özbəkistan rəsmiləri də Qaninin harada olmasından xəbərsiz olduqlarını bəyan ediblər. RİA Novostinin diplomatik mənbələrdən əldə etdiyi məlumata görə, Əfqanıstanın Daşkənddəki səfirliyində keçmiş prezidentin Özbəkistanda olması barədə heç bir informasiya yoxdur.

Xatırladaq ki, "New York Times" Doha danışıqlarındakı Əfqanıstan nümayəndə heyətinin adı açıqlanmayan bir üzvünə istinad edərək məlumat yaymışdı ki, Qaninin həyat yoldaşı Rula və iki müşavir təyyarə ilə Özbəkistana gedib. Daha sonra isə keçmiş prezidentin şəxsi mühafizəçisi Qətərin "Əl-Cəzirə" telekanalına Qaninin Daşkəndə uçduğunu təsdiqləmişdi.

Qeyd edək ki, Qani Əfqanıstanda qan tökülməsinin qarşısını almaq üçün ölkəni tərk etdiyini bildirib .
O özünün "Facebook" hesabında yazıb:



“Düzgün qərar qəbul etdim. “Taliban” məni hakimiyyətdən devirmək üçün Kabilə və onun sakinlərinə qarşı qanlı hücum etməyə hazır olduğunu açıq şəkildə bəyan etdi. Qan tökülməsinin qarşısını almaq üçün vəzifəmdən istefa vermək qərarına gəldim”.

Tural Tağıyev
Azvision.az



Teqlər: Əfqanıstan   Taliban    





Xəbər lenti


Azvision.az ©2014 | Bütün hüquqları qorunur