Kabil aeroportunda xaos: ABŞ hərbçiləri bir neçə əfqanı güllələyib- VİDEO

Kabil aeroportunda xaos: ABŞ hərbçiləri bir neçə əfqanı güllələyib- VİDEO
  16 Avqust 2021    Oxunub:4492
Əfqanıstandanda vəziyyət gərgin olaraq qalır. Azvision.az xəbər verir ki, səhər saatlarında Kabil hava limanında atışma səsləri eşidilib.
Rusiya mediasının yaydığı məlumata görə, ABŞ hərbçilərinin açdığı atəş nəticəsində bir neçə əfqan həlak olub. İlkin ehtimala görə, onlar xeyli sayda insanın uçuş zolağına doğru qaçmasından sonra havaya xəbərdarlıq atəşi açıblar. Daha sonra isə insident nəticəsində bir neçə nəfər güllələnib.

"ABŞ ordusunun Kabil hava limanında əfqanlara xəbərdarlıq atəşi açmasından sonra bir neçə nəfər ölüb. "France Presse" agentliyinin yaydığı məlumata görə, bu, kütlənin uçuş zolağına çıxaraq burada qarışıqlıq yaratması zamanı baş verib",-məqalədə bildirilir.

ABŞ-nin Meyn ştatının nümayəndə heyəti Laçın və Şuşada olub - FOTOLAR
"Əl-Cəzirə" telekanalı isə Kabil hava limanında inanılmaz bir xaosun hökm sürdüyünü bildirib : "Taliban"dan qorxan yerli sakinlər diplomatik missiyaların da toplaşdığı yeganə hava limanının girişinə yığılıb. Onları helikopterlərlə ərazidən çıxarırlar".



Qeyd edək ki, bir neçə aydır "Taliban" silahlıları ilə hökumət qüvvələri arasında gedən döyüşlər dünən yekunlaşıb. Yaraqlılar axşam saatlarında Kabili ələ keçirdikdən sonra ölkəyə tam şəkildə nəzarət etdiklərini bəyan ediblər.

Tural Tağıyev
Azvision.az



Teqlər: ABŞ   Əfqanıstan    





Xəbər lenti


Azvision.az ©2014 | Bütün hüquqları qorunur