Bu barədə Azvision.az -a Energetika Nazirliyindən bildirilib.

Qeyd edilib ki, hazırda bərpa olunan enerji mənbələrinin ərazisində elektrik enerjisi istehsalçısının seçilməsi qaydası, hərraclar üçün şərtlər toplusu, həmçinin elektrik enerjisinin alqı-satqı müqavilələri Avropa Yenidənqurma və İnkişaf Bankı (AYİB) ilə həyata keçirilən “Azərbaycanda bərpa olunan enerji hərraclarının keçirilməsinə dəstək” layihəsi çərçivəsində hazırlanır:

"Bildiyiniz kimi, cari ilin 12 iyul tarixində Azərbaycan Respublikasının Prezidenti cənab İlham Əliyev tərəfindən “Elektrik enerjisi istehsalında bərpa olunan enerji mənbələrindən istifadə haqqında” Azərbaycan Respublikasının qanunu imzalanıb. Qanunda bərpa olunan enerji mənbələrinin ərazisində elektrik enerjisi istehsalçısının seçilməsi prosesinin hərrac və ya birbaşa cəlbetmə yolu ilə reallaşdırılması nəzərdə tutulur. Bərpa olunan enerji mənbələrinin ərazisində elektrik enerjisi istehsalçısının seçilməsi qaydası və eyni zamanda istifadə ediləcək müqavilə formaları, kvalifikasiya sorğusu, təklif sorğusu, sahələrin seçilməsi hesabatı və s. hazırlanmaqdadır.

Bərpa olunan enerji mənbələrinin ərazisində elektrik enerjisi istehsalçısının seçilməsi qaydası qəbul edildikdən sonra, ölkəmizdə ilk bərpa olunan enerji hərracları cari ilin sonu, yaxud növbəti ilin əvvəlində keçirilə bilər".

Azvision.az