Pivə satışları ilin ikinci rübündə sürətlənə bilərdi, çünki Mərkəzi Rusiya, Ural və Sibirdə hava may və iyun aylarında qeyri-adi dərəcədə isti keçib. İyunun 11-də bəzi oyunları Rusiyada keçirilən futbol üzrə Avropa Çempionatına start verilməsi də buna təsir edə bilərdi.

Federal və Regional Alkoqol Bazarlarını Araşdırma Mərkəzinin direktoru Vadim Drobiz RBC-yə bildirib ki, istehsalçıların verdiyi bəyannamələr statistikada səhv qəbul edilib. Eyni zamanda, ən böyük pivə istehsalçıları yerli bazarlardakı satışlar haqqında məlumat dərc etmirlər. Türk Anadolu Efes (Efes, Beck's, Miller) 2021-ci ilin ikinci rübündə Rusiya bazarın da satışların praktiki olaraq dəyişmədiyini qeyd ediblər.

AB InBev Efes nümayəndəsinin sözlərinə görə, 2021-ci ilin ikinci rübündə satışların cüzi artımı istehlakçıların pivəyə olan marağının azalması ilə deyil, sənayenin əhəmiyyətli artım göstərdiyi 2020 -ci ildə müşahidə edilən təsirlə əlaqədardır. 2020-ci ilin yayı daha isti keçib, lakin sonrakı yüksək satışlarda əsas amil alkoqollu içkilərin satışına müsbət təsir edən özünütəcrid amili olub.

Bundan əvvəl ölkədə alkoqol istehsalının ildə 2,3% azaldığı bildirilmişdi. 2021-ci ilin yanvar-iyul aylarında Rusiyada pivə və digər içkilər istisna olmaqla, 90, 56 milyon dekalitr spirtli içki istehsal ediıib ki, bu da ötən ilkinə nisbətən 2,3% azdır .

Nadir Quliyev
Azvision.az