ABŞ və İsrail liderləri müzakirələr aparıb
Qeyd edilir ki, ölkə liderləri iki dövlətin əməkdaşlığına aid olan bir sıra məsələləri, həmçinin Yaxın Şərqdə təhlükəsizliyi müzakirə ediblər.
"Prezident Co Bayden İsrailin baş naziri Naftali Bennetlə Ağ Evdə görüş zamanı bir daha Birləşmiş Ştatlarla İsrail arasındakı tarixi əməkdaşlığı qeyd etdi, həmçinin iki ölkənin qarşısında duran qlobal və regional problemlərlə bağlı məsləhətləşmələr apardı", - açıqlamada vurğulanıb.
Bayden ABŞ-ın İsrailin təhlükəsizliyinə və ölkənin özünümüdafiə hüququna güclü dəstəyini ifadə edib, İsrailin "Dəmir günbəz" hava hücumundan müdafiə sisteminin bərpasına kömək etməyə hazır olduğunu bildirib.
Tərəflər İranla bağlı da müzakirələr aparıb. Bayden İranın nüvə silahı istehsal etməsinin qarşısını almaq üçün addımlar atılacağını bildirib.
Azvision.az