Gürcüstanda bəzi məhdudiyyətlər yumşaldılıb

  05 Oktyabr 2021    Oxunub :253
Gürcüstanda bəzi məhdudiyyətlər yumşaldılıb
Gürcüstanda kafe və restoranların saat 23:00-a qədər fəaliyyət göstərməsinə icazə verilib.
Azvision.az - ın məlumatına görə, bu barədə Gürcüstanın Dövlət Qurumlarıarası Koordinasiya Şurası qərar qəbul edib. Qərar sabahdan qüvvəyə minəcək.

Xatırladaq ki, koronavirusa yoluxma hallarının artmasına görə, avqustun 25-dən restoran və kafelər saat 22:00-dək müştərilərə xidmət edə bilirdi.

Gürcüstanda konsert və festivallara qoyulan qadağa da ləğv edilib. Bundan əvvəl ölkədəki epidemioloji vəziyyətə görə kütləvi mədəni tədbirlərə icazə verilmirdi.

Xatırladaq ki, ölkədə indiyədək 621 420 nəfər koranirusa yoluxub, 9110 nəfər ölüb.

Pərvanə Sultanova
Azvision.az


Teqlər: Gürcüstan   COVİD  







Xəbər lenti