Qəza törədən yük avtomobilinin sürücüsü qanunsuz fəaliyyət göstərib - DANX

  13 Oktyabr 2021    Oxunub :265
   Qəza törədən yük avtomobilinin sürücüsü qanunsuz fəaliyyət göstərib -    DANX
Hava limanı-Mərdəkan yolunun Suraxanı dairəsi adlanan hissəsində avtobusa çırpılan yük avtomobilinin sürücüsü heç bir qanuni əsas olmadan fəaliyyət göstərib.
Azvision.az xəbər verir ki, bunu Dövlət Avtomobil Nəqliyyatı Xidmətinin mətbuat xidmətinin rəhbəri Nuridə Allahyarova bildirib.

"Mərdəkan istiqamətində hərəkətdə olan 99 DH 343 DQN-lı "Mercedes” markalı yük avtomobili 171 nömrəli müntəzəm marşrut xətti üzrə 10 TH 116 DQN-lı sərnişin avtobusuna çırpılıb. Yük avtomobilinin sürücüsü heç bir qanuni əsas olmadan fəaliyyət göstərib. Dünəndən bu cür daşımalara qarşı başlanan tədbirlərlə bağlı sosial hesablarda ünvanımıza səslənən ittihamlara qarşılıq bu hadisənin cavab olmasını heç istəməzdik. Amma fakt faktlığında qalır. İlkin məlumata görə, hadisə yük avtomobili sürücüsünün sükan arxasında yuxulaması səbəbindən baş verib. Belə ki, sürücü yuxuladığından avtomobil idarəetmədən çıxaraq avtobusa dəyib. Nəticədə avtobus da aşıb.

Qəza nəticəsində dünyasını dəyişən sərnişinlərin yaxınlarına səbr, xəsarət alanlara şəfa diləyirik".

Aytən Zəhra
Azvision.az
Qeyd edək ki, qəza nəticəsində 5 nəfər ölüb, 21 yaralı var.

Teqlər: Qəza  







Xəbər lenti