İtkin düşənlərin ailələrindən bioloji nümunələr götürülür

 İtkin düşənlərin ailələrindən bioloji nümunələr götürülür
  13 Oktyabr 2021    Oxunub:1153
"Hazırda da BQXK Dövlət komissiyası ilə birlikdə itkin düşmüş şəxslərin ailə üzvlərindən bioloji nümunələrin toplanması layihəsini həyata keçirir. Hər iki layihə gələcəkdə esqumasiya zamanı tapıla biləcək insan qalıqlarının identifikasiyasında istifadə olunacaq".
Azvision.az xəbər verir ki, bunu BQXK-nın Bakı nümayəndəliyinin ictimaiyyətlə əlaqələr şöbəsinin rəhbəri İlahə Hüseynova deyib.

O bildirib ki, bu məlumatlar Dövlət Komissiyasının bazasında saxlanılır:

"Bu layihə həmin şəxslərin kimliyini aydınlaşdırmaq üçün böyük texniki dəstəkdir. Naməlum qəbirlərin açılması Dövlət Komissiyasının rəhbərliyi ilə həyata keçirilir, BQXK burada müşahidəçi qismində iştirak edir. Amma BQXK buna texniki dəstək verməyə hazırdır. Bizim tibbi ekspertlərimiz var. Onlar böyük təcrübəyə malik mütəxəsislərdir və lazım gəldikdə dəstək verməyə hazırdırlar".

Aytən Zəhra
Azvision.az



Teqlər: itkin  





Xəbər lenti