Bu barədə AzVision.az Energetika Nazirliyinə istinadən məlumat verib. "2021-ci ilin sentyabr ayında Azərbaycanda gündəlik neft (kondensatla birlikdə) hasilatı 703,1 min barel olub. Bunun 586,2 min barelini xam neft, 116,9 min barelini isə kondensat təşkil edib", - məlumatda deyilir.
Qeyd edək ki, oktyabrın 4-də Neft İxrac edən Ölkələr Təşkilatına (OPEC) üzv və qeyri-üzv ölkələrin nazirlərinin 21-ci iclasında Azərbaycan gündəlik neft hasilatının noyabrda 400 min barel artırılmasına dair qəbul edilmiş qərara öz dəstəyini ifadə edib.
Yeni “Əməkdaşlıq Bəyannaməsi” Azərbaycanda gündəlik xam neft hasilatının noyabrda daha 7 min barel artırılaraq 647 min barelə çatdırılmasını, ixtisarla bağlı öhdəliyin isə 71 min barrel həcmində olmasını nəzərdə tutur.
Xatırladaq ki, “OPEC plus” ölkələri nazirlərinin iyul ayında keçirilmiş 19-cu iclasında avqustdan etibarən gündəlik xam neft hasilatının hər ay 400 min barel artırılmasına, 5,8 milyon barel həcmində ixtisarların isə 2022-ci ilin sentyabrında başa çatdırılmasına və gələn ilin mayından etibarən neft hasilatının baza səviyyəsinə qismən düzəlişlər edilməklə “Əməkdaşlıq Bəyannaməsi”nin müddətinin 2022-ci ilin sonunadək uzadılmasına dair qərar qəbul edilib.
AzVision.az
Azərbaycan sentyabrda “OPEC+” üzrə öhdəliyini yerinə yetirib
22 Oktyabr 2021
Oxunub:731
Azərbaycanda sentyabr ayında gündəlik xam neft hasilatı 586,2 min barel olub.
Teqlər: OPEC
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
