AzVision.az xəbər verir ki, Darst evliliklərinin 9-cu ilində, 1982-ci ildə həyat yoldaşı Ketlini öldürüb. Onda qadının 29, Darstın isə 38 yaşı olub.

Ketlinin cəsədi hələ də tapılmayıb. Son vaxtlara qədər Darst özü onun başına gələnlərdən xəbərsiz olduğunu iddia edirdi. Sentyabrda hakimlər üç günlük müşavirədən sonra milyonçunu 2000-ci ildə yaxın tanışı Suzan Bermanın qətlində təqsirli bilib. O, ömürlük həbs cəzasına məhkum edilib. 78 yaşlı milyoner hazırda koronavirusa yoluxub və süni nəfəs aparatına qoşulub.

2015-ci ildə “The Jinx: The Life and Deaths of Robert Durst” adlı sənədli filmin çəkilişləri zamanı o, təsadüfən bir neçə qətli törətdiyini söyləyib. Belə ki, mikrofonu çıxarmadan vanna otağına keçən iş adamı heç kimin onu eşitmədiyini düşünərək qətlləri ucadan etiraf edib. Həmin ilin mart ayında Darst Luiziana ştatının Nyu Orlean şəhərində həbs olunub. Uzun illər o, Bermanı kimin öldürdüyü və həyat yoldaşının başına nə gəldiyini bilmədiyini söyləyib.

Xatırladaq ki, onun babası Cozef Darst "Durst Organization" şirkətinin qurucusu olub. "Forbes"ə görə ailənin sərvəti 8 milyard dollardan çoxdur.

AzVision.az