Şuşada tullantıların emalı müəssisəsi yaradıla bilər

Şuşada tullantıların emalı müəssisəsi yaradıla bilər
  28 Oktyabr 2021    Oxunub :356
Hazırda Şuşada tullantıların yığılması işini davam etdiririk. Müvəqqəti yerimiz Daşaltı kəndinin yaxınlığındadır. Lakin orada poliqonun tikilməsi üçün Ekologiya və Təbii Sərvətlər Nazirliyi ilə birgə əraziyə baxmalıyıq.
Bunu AzVision.az -a açıqlamasında “Təmiz Şəhər” ASC-nin İdarə Heyətinin sədri Etibar Abbasov deyib. O bildirib ki, poliqonun yaradılması üçün torpaq ayrılmalıdır:

“Şuşanın ətrafı meşəlikdir. Poliqonun salınması üçün lazım olan düzənlik sahəni axtarıb tapmaq lazımdır. Onlar müəyyən yer ayırsalar işimizi qurarıq. Alternativ olaraq əraziyə özümüz də baxırıq. Orada hər hansı emal müəssisənin yardılmasını da nəzərdən keçirə bilərik. Bu variantlar üzərində də işləyirik ki, gələcəkdə orada poliqon yox, emal müəssisəsi yaradaq, tullantıları emal edək”.

Aytən Zəhra
AzVision.az

Teqlər: Şuşa   Təmizşəhər  







Xəbər lenti